Дрэва

Музейная калекцыя “Дрэва” пачала фарміравацца ў 1974 годзе (Пячатка Узменскай царквы Міёрскага р-на Віцебскай вобл. ХХ ст.). У склад музейнай калекцыі ўваходзяць скульптура беларуская ХVІ-ХХ ст. (каталіцкія Святыя, анёлы, пуцці, Распяцці); дэкаратыўная разьба з інтэр’ераў касцёлаў і цэркваў; скульптура малых форм (жывёлы, міфічныя істоты, казачныя персанажы, як адлюстраванне народных вераванняў); прадметы этнаграфіі і побыту (пісанкі, формы для куліча пасхальнага, жолаб для катання яек, посуд, лыжкі, куфры, калаўроты, чаўнакі, верацёны, прасніцы, мэбля, творы дэкаратыўныя і інш.), якія маюць не толькі ўтылітарнае, але і рытуальнае прызначэнне і неабходны для адлюстравання каляндарнай і сямейнай абраднасці беларусаў; скульптура ўсходніх рэлігій прафесійная і народная. Найбольш каштоўнымі музейнымі прадметамі ў музейнай калекцыі з’яўляюцца:
– скульптура. Св.Казімір. Беларусь, пач. ХVІІ ст.;
– скульптура. Св.Станіслаў. Беларусь, пач. ХVІІ ст.;
– скульптура. Анёл з трубой. Беларусь, ХVІІІ ст.;
– скульптура. Распяцце. Беларусь, ХVІ ст.;
– скульптура. Пуцці. Беларусь, ХVІІ ст. і інш.
На 01.01.2015 года музейная калекцыя “Дрэва” складаецца з 631 музейнага предмета асноўнага фонду и 104 прадметаў фонду навукова-дапаможных матэрыялаў.