Музейная калекцыя “Графіка” пачала фарміравацца ў 1979 годзе (эскізы касцюмаў да спектакля А.Петрашкевіча “Францыск Скарына” Гродзенскага абласнога драмтэатра. Гродна, 1978 г.). Яна складаецца з малюнкаў (акварэль, гуаш, аловак, пяро і інш.), гравюр, літаграфій, хромалітаграфій. Найбольш каштоўнымі музейнымі прадметамі ў калекцыі з’яўляюцца:
- калекцыя гравюр з рэлігійнымі сюжэтамі. Італія, ХІХ ст.;
- эскізы касцюмаў да спектакля А.Петрашкевіча “Францыск Скарына” Гродзенскага абласнога драмтэатра. Гродна, 1978 г.;
- гравюра. “Сон Іакава”. Заходняя Еўропа, XVIII ст.
- альбом літаграфій. “Gedenke mein!”. Мюнхен, 1900 г.
На 01.01.2022 г. музейная калекцыя “Графіка” складаецца з 1154 музейных прадметаў асноўнага фонду і 414 прадметаў фонду навукова-дапаможных матэрыялаў.