“Акафіст прападобнаму айцу нашаму Серафіму, Сароўскаму цудатворцу”
Масква. 1904 г.
“Акафістъ свяціцелю і цудатворцу Мітрафану”
Кіева-Пячэрская лаўра. 1857 г.
Акафіст (з грэч. – “несядальны гімн” – калі ён спяваецца, трэба стаяць) – адна з форм царкоўнага гімна, які вядзе свой пачатак ад Вялікага Акафіста – хвалебнага спеву ў гонар Прасвятой Багародзіцы, аўтарам якога, верагодна, з’яўляецца Святы Раман Салодкаспевец (кан. V – пач. VI ст.).
Шырокае распаўсюджанне акафісты атрымалі ў Расіі, дзе з XVIII ст. становяцца асаблівым жанрам царкоўнай гімнаграфіі і адной з найбольш любімых народам форм малітвы. На царкоўнаславянскай і рускай мовах было складзена мноства акафістаў, прысвечаных царкоўным святам, шанаваным святым, шматлікім абразам Ісуса Хрыста і Маці Божай.