“Прападобны Іаан Рыльскі, цудатворац Балгарскі”
М. Васкрасенскі. Масква. 1898 г.
Кніга была падорана аўтарам – свяшчэннікам Мікалаем Васкрасенскім – протаіерэю Іаану Сергіеву (Кранштацкаму), аб чым сведчыць надпіс на тытульным лісце: “Его Высокопреподобию, глубокоуважаемому Отцу Протоиерею Иоанну Ильичу Сергиеву смиренный дар от недост. иерея Николая. 1898 г. янв. 30 д.”.
Святы прападобны Іаан Рыльскі (?–946) – святы Балгарскай Царквы і патрон балгарскага народа, манах-пустэльнік, заснавальнік Рыльскага манастыра. Памёр у 946 г. Мошчы святога былі знойдзены нятленнымі і перанесены ў Сафію. Падчас адной з войнаў былі выкрадзены венграмі, але ў 1187 г. вернуты ў Сафію, пазней перанесены ў Трноў (Тырнава). У 1469 г. перанесены ў Рыльскі манастыр, дзе знаходзяцца і сёння.