На выставе прадстаўлены прадметы, якія знаёмяць з традыцыйнымі рамёствамі Палестыны: вырабы з перламутру і аліўкавага дрэва, кераміка, народны касцюм.
Палестына – найбуйнейшы цэнтр вытворчасці вырабаў з перламутру. У антычныя часы перламутравая ракавіна ўвасабляла смерць і надзею на адраджэнне, а з распаўсюджваннем хрысціянства стала адным з сімвалаў Маці Божай.
Выраб керамічных вырабаў лічыцца адным з найважнейшых традыцыйных рамёстваў у Палестыне. Самай папулярнай у рэгіёне сярод вядомых у ганчарным рамястве стыляў і школ сёння лічыцца хеўронская кераміка, якая ў большасці сваёй вырабляецца ў горадзе Хеўрон. Галоўная асаблівасць гэтай керамікі – паліхромны роспіс у выглядзе складанага перапляцення геаметрычных і раслінных формаў, фігур рыб і птушак.
Традыцыйныя ўборы палестынскіх арабаў адрозніваюцца выкарыстаннем багатага гафту. Гэты гафт з’яўляецца ўнікальнай з’явай сусветнай культуры, прызнана аб’ектам культурнай спадчыны UNESCO. Ёй няма роўных у дасканаласці тэхнікі, разнастайнасці ўзору, мностве адценняў аднаго колеру і каляровых кантрастах.
Выстава ў Музеі гісторыі рэлігіі праходзіць па ініцыятыве пасольства Дзяржавы Палестына ў Рэспубліцы Беларусь. Выстава працуе штодня з 10:00 да 18:00 (каса да 17:30). Дадатковую інфармацыю можна атрымаць па тэлефоне:
+ 375 (152) 71-87-07, + 375 (152) 71-89-18 (каса).
Куратар выставы – Хамко Галіна Аляксандраўна, вядучы навуковы супрацоўнік аддзела навукова-даследчай і экспазіцыйна-выставачнай работы.
