13 лютага ў музеі гісторыі рэлігіі прайшоў канцэрт сусветных хітоў ХХ стагоддзя, пясочнае шоу, STAND-UP і інтэрактыўная экскурсія!
Музей гісторыі рэлігіі падрыхтаваў для жыхароў і гасцей горада на святочную праграму да Дня Святога Валянціна.
Нядзельны вечар пачаўся з інтэрактыўнай экскурсіі “Ад знаёмства да шлюбу ў XVIII-XIX стагоддзях”. Наведвальнікам раскажуць пра любоўныя норавы і правілы флірту таго часу. Чаму дама павінна была мець валасы “залатога” колеру? Навошта на балі запрашалі паштальёнаў? Што выкарыстоўвалі замест танальнага крэму? Вы атрымаеце адказы на гэтыя і іншыя пытанні.
У ходзе экскурсіі гасцям прапанавалі:
- вывучыць «мову веера»;
- паставіць танец па правілах XIX стагоддзі;
- згуляць у настольныя гульні.
Пасля апускання ў рамантычную эпоху мастак пясочнай анімацыі Вераніка Паплаўская прадставіла гэты від сучаснага мастацтва – магію музыкі, пяску і святла. Гасцей чакала рамантычнае прадстаўленне і майстар-клас па стварэнні пясочнай валянцінкі.
Дзмітрый Станкевіч развеяў сентыментальныя ноткі нядзельнага вечара падчас свайго выступу. Ён прэзентаваў самыя смелыя карыкатуры са старонак газет і часопісаў 1930-ых гадоў.
Праграму завяршыў інструментальны канцэрт, у якім прагучаць сусветныя хіты ў выкананні струннага квартэта IGNIS:
- Frank Sinatra
- The Beatles
- Metallica
- Nirvana
- Michael Jackson
- Lady Gaga
- Sting
- Bon Jovi
Кінаманаў парадавала нестандартнае выкананне музычных тэм з фільмаў “Пах жанчыны”, “Красуня”, “Ляон”.
