ТИХАЯ МЕЛОДИЯ НАШИХ МЕСТЕЧЕК

8 верасня 2020 г. у выставачнай зале музея адбылося ўрачыстае адкрыццё персанальнай выставы члена Саюза мастакоў Беларусі дацэнта кафедры жывапісу Беларускай дзяржаўнай Акадэміі мастацтваў Юрыя Крупянкова «Ціхая мелодыя нашых мястэчак».Праект быў задуманы ў 2016 годзе і пачаў рэалізоўвацца з 2017 года. Ён прысвечаны страчанаму свету штэтлаў – яўрэйскіх мястэчак, дзе жылі продкі аўтара, разам з якім адышоў цэлы пласт гісторыі і культуры нашай краіны.

Апрача твораў мастака на выставе прадстаўлены прадметы з калекцый музея, якія не толькі падкрэсліваюць тэматычны накірунак выставы, але і дазваляюць наведвальнікам пазнаёміцца з характэрнымі рысамі матэрыяльнай культуры ХІХ–ХХ стст. Гэта не толькі музычныя інструменты, посуд, шавецкія прылады, але і прадметы, звязаныя з іўдзейскай рэлігійнай традыцыяй.

Выставу адкрыла дырэктар Гродзенскага дзяржаўнага музея гісторыі рэлігіі Рыта Янчалоўская. Падчас адкрыцця выступілі: куратар праекта Юрый Абдурахманаў, аўтар прац Юрый Крупянкоў, старшыня іўдзейскай рэлігійнай абшчыны ў горадзе Гродна Барыс Квяткоўскі, галоўны равін Рэлігійнага аб’яднання абшчын прагрэсіўнага іўдаізма ў Рэспубліцы Беларусь Рыгор Абрамовіч. Выступоўцы падкрэслівалі важнасць такіх праектаў для захавання гістарычнай памяці, умацавання цікавасці да мінулага Беларусі і пашырэння ідэй талерантнасці і ўзаемаразумення.

Навіны 08.09.2020 Гродна+ www.grodnoplustv.by

Персанальная выстава мінскага мастака Юрыя Крупянкова «Ціхая мелодыя нашых мястэчак». Праект прысвечаны яўрэйскім мястэчкам, якія зніклі. Прэзентацыя гэтага праекта ўжо адбылася ў гарадах Беларусі: Смілавічах, Мінску, Бабруйску, Міры, а таксама набыла статус міжнароднага.