Гродзенскі дзяржаўны музей гісторыі рэлігіі запрашае жыхароў і гасцей горада наведаць казачны свет лялек.
Часовая экспазіцыя з лаканічнай назвай прадстаўляе мастацтва майстроў-лялечнікаў, пагружае ў гісторыю моды мінулых стагоддзяў, транслюе сучасны погляд на міфы і паданні. Аўтарскія работы выкананы лепшымі майстрамі Рэспублікі Беларусь і Расійскай Федэрацыі ў розных стылях і тэхніках з фарфору, палімернай гліны, тканіны, дрэва, пап’е-машэ. Многія з лялек, якія экспануюцца, існуюць у адзіным экзэмпляры.
«Мы рады прадставіць наведвальнікам музея ўнікальную выставу, якая дэманструе не толькі прыгажосць і вытанчанасць мастацтва стварэння лялек, але і вялізны талент, высокі прафесіяналізм і тонкі густ аўтараў работ. Ад рэалістычных вобразаў, апранутых ва ўборы розных гістарычных эпох, да фантазійных і містычных стварэнняў – кожная праца з’яўляецца праявай індывідуальнасці мастакоў. KUKLA – гэта не проста выстава, гэта сапраўдная, чыстая творчасць, якая можа ўразіць нават самага патрабавальнага наведвальніка», – адзначае куратар выставы Вера Хведчына.
Выстаўка працуе да 11 лютага штодзень з 10.00 да 18.00 (каса да 17.30).
Кошт білета:
- для дзяцей да 5 гадоў – бясплатна;
- для школьнікаў і студэнтаў – 5 рублёў;
- для дарослых – 10 рублёў;
- для пенсіянераў – 5 рублёў.
Дадатковую інфармацыю можна атрымаць па тэлефоне + 375 (152) 71-87-07.
